egradio.eg logo
egradio.eg ads
الرئيسية | الصحة العامة | أستشارات | هل هفضل أخد علاج القولون طول حياتي ؟!

هل هفضل أخد علاج القولون طول حياتي ؟!

بواسطة
حجم الخط: Decrease font Enlarge font
هل هفضل أخد علاج القولون طول حياتي ؟! هل هفضل أخد علاج القولون طول حياتي ؟!

أنا بنت ، عندي 20 سنة ، من وأنا فى ثانية ثانوي تقريباً كان بيجيلي ألم فى جنبي الشمال ، وقتها كشفت ومش عرفت عندي أيه ؟! بس الألم كان بسيط ، وكنت لو أخدت مسكن بيخف .

من سنة تقريباً بقى رجع ألم جنبى ، بس بدرجة أصعب من الأول بكتير ، وبقى الألم مُستمر طول اليوم ، يعني حتى وأنا نايمة حاسة بيه ، وقتها كشفت عند دكتور نساء ، وقالي أني عندي كيس دموي على المبيض الشمال ، وأخدت علاج وبردو الألم موجود ، والدكتور قرر أنى أعمل منظار وأشيل الكيس ، على أساس أن الألم منه ، المهم أنا عملت العملية ، وشيلت الكيس .

وبعدها بـ 15 يوم تقريباً لقيت نفس الألم رجع زي الأول ، روحت كشفت عند دكتور مسالك ، وقالي أني عندي أملاح ، وأخدت علاج للأملاح لمدة كبيرة ، ويمكن الألم كان قليل شوية بس موجود .

المهم بعد ماخلصت علاج الأملاح ، لقيت الألم بردو زى ماكان ومستمر طول اليوم ، كشفت عند دكتور باطنة ، وقالي أني عندي القولون ، وأخدت علاج القولون ، ومع العلاج أنا بكون كويسة لكن لو فى يوم بس ما أخدتش فيه العلاج الألم بيزيد عندي جداً .

أنا دلوقتي سؤالي : لو فعلاً عندي قولون يجيلي األم كده مستمر على طول ؟!

وهل عادي أني أفضل أخد علاج كدة طول حياتي ؟! لأني لما ببطل العلاج بتعب ، والدكتور أصلاً قالي خدي العلاج شهر وخلاص ، وأنا ليا أكثر من 9 أشهر باخده وبردو تعبانه .

ياريت لو في طبيب مختص يفيدني .

على فكرة أنا عملت أشعة كتير جداً ، ومش فيها أى حاجة ، وأنا خايفة لو روحت لدكتور تاني يطلب مني منظار ، خايفة أعمله بصراحة .

أنا أسفة طولت عليكوا ، بس ياريت حد يساعدني .